PROTECCIÓN CIVIL

A agrupación de voluntarios de Protección civil de Xermade ten como principal obxectivo, garantir a seguridade e benestar, de todas as persoas e bens materiais nas emerxencias que, lóxicamente, acontezan no seu radio de acción. Básicamente realizan tarefas de prevención de riscos e actuacións de emerxencia que poidan acontecer en materia de protección civil.

Esta formación de voluntarios, recentemente creada, vai colaborar activamente cos diferentes corpos de seguridade, Garda Civil e outros servizos autonómicos de seguridade e emerxencias.

A formación de voluntarios de protección civil en Xermade leva a cabo funcións de axuda ao cidadan ante calquera das situacións que asi o requiran, sempre en coordinación coa Central de emerxencias 112 S.O.S. Galicia .O radio de acción circunscríbese ao termo municipal de Xermade, aínda que pode facer intervencións en concellos limítrofes.