IGUALDADE
- Actividade de Conciliación: Campamento Infantil de Verán
Servizo lúdico e educativo do Campamento infantil de verán “Xermade Concilia”: Servizo educativo e de esparexemento para nenas e nenos de 3-16 anos, durante os períodos de vacacións escolares de verán cuns contidos educativos e divertidos en base a unha programación educativa que conteña aspectos de educación para a convivencia, a igualdade a interculturalidade, a saúde e o consumo responsable e o ocio saudable. Haberá saídas/excursións, pernocta…para que os/as rapaces coñezan mellor a súa contorna (Parque acuático de Cerceda, praia…).
- Día Internacional para a Eliminación da Violencia contra as Mulleres
Entorno ó 25 de novembro fixamos a mirada na loita contra a violencia de xénero, organizando accións de concienciación, sensibilización, formación e de denuncia da violencia de xénero e a promoción da igualdade entre as persoas.
- Cea da Muller
Todolos anos o Concello de Xermade conmemora o “Día da Muller” coa tradicional xuntanza de mulleres. O ano 2024 celebrouse a súa XV edición.
- Día da Muller Rural
O Concello de Xermade celebra este día co obxecto de destacar o papel fundamental das mulleres no ámbito rural e promover a súa visibilidade a través da arte e a cultura.
- Certame “Xermadeando pola Igualdade”
No ano 2024 celebramos a primeira edición deste certame, no que o Concello de Xermade convida a todo o alumnado do CEIP de Xermade a participar nun certame de creación artística escrita e gráfica.
