XI CAMPAMENTO DE VERÁN 2018. XERMADE CONCILIA
O concello de Xermade pon en marcha un ano máis o campamento de verán para facilitar o acceso das nenas e nenos de Xermade a un tempo e espacio de ocio e diversión. O fin é poder axudar ás familias a conciliar a súa vida familiar e laboral neste período estival.
O campamento realizarase desde o luns 30 de xullo ata o venres 17 de agosto, en horario de 10:30 a 14:00 horas e con horario de “madrugadoras” desde as 8:00 da mañá, se existe un número de familias que o soliciten. Os días das saídas o horario verase incrementado ata as 7:30 da tarde, aproximadamente.
As inscripcións faranse no REXISTRO do concello (planta baixa), por estricto orde de inscrición. O número de prazas é de 50.
No caso de que haiba máis solicitudes que prazas, farase baremación:
- Terán preferencia as nenas e nenos empadroados no concello de Xermade ou que asistan ao CEIP de Xermade
- A continuación terán acceso aquelas nenas e nenos que as súas nais/pais/titores teñen algunha relación laboral con Xermade.
- Por último, as nenas e nenos inscritos por orde de rexistro no concello.
O prazo de solicitudes será desde o día 02 ao 13 de xullo. Non se recollerán inscripcións posteriores.
A empresa que levará a cabo o campamento será: ITA ANIMACIÓN.
Campemento subvencionado pola UE e a Xunta de Galicia a través da Secretaría Xeral da Igualdade.
Esta actividade forma parte de Xermade concilia, que inclúe os campamentos de entroido, verán e nadal 2018.
Bases definitivas Campamento verán nadal 2018-1
Listado campamento verán 2018-1 asinado
V PREMIO XERMADE NA HISTORIA- 2018
O concello de Xermade, a Asociación veciñal de Cabreiros e a Facultade de CC da Educación da Universidade de Santiago de Compostela, convocan o V Premio de investigación Xermade na historia, financiado pola Deputación de Lugo a través do Plan Único.
Calquera persoa interesada no mundo cultural, etnográfico, histórico, arquitectónico, das tradicións orais, lendas, ritos, mitoloxía, etc, pode participar no Premio.
Lembrar que este premio ten unha dotación total de 3.000€ repartidos en dous premios: Primeiro premio de 2.000€ e Segundo premio de 1.000€.
Os traballos poden presentarse a nivel individual ou en grupo, e teñen de prazo ata o día 15 de febreiro de 2019.
A continuación pódense consultar as bases e o modelo de participación.
BASES ASINADAS POLAS TRES ENTIDADES
MODELO DE PARTICIPACIÓN NO V PREMIO DE INVESTIGACIÓN
PRESENTACIÓN DO V PREMIO NA DEPUTACIÓN DE LUGO
PRESENTACIÓN DO PREMIO NAS XIV XORNADAS INTERXERACIONAIS RURAIS. CABREIROS. XERMADE
III Pedalada Solidaria de Xermade
Agasallos aos primeiros 75 inscritos.
23 XUÑO 2018
SAÍDA- 10 H. NA PRAZA DO CONCELLO
PERCORRIDO: XERMADE-CHARCA DO ALLIGAL
18 KM. TOTAIS. RITMO TRANQUILO E CON PARADAS PARA REAGRUPAR OS PEQUENOS
INSCRICIÓNS:
TELF. 982 510 001
Inscrición gratuíta podendo facer unha aportación na urna solidaria que terá a cruz vermella.
Os máis pequenos poden disfrutar tamén dunha xincana polos arredores do edificio do Concello.
Obradoiro creativo: “María Victoria Moreno, unha historia de amor”
19 de maio ás 12 do mediodía, organizamos un obradoiro creativo: “María Victoria Moreno, unha historia de amor”. Contaremos, debuxaremos e gozaremos da vida e da obra de María Victoria Moreno, coa compañía Polo Correo do Vento de Pontevedra. Esta actividade vai dirixida a nenos e nenas maiores de 3 anos e será necesaria a inscrición previa na biblioteca para poder participar.
FALLO DO CERTAME DE NARRACIÓN E DEBUXO INFANTIL “LETRAS GALEGAS 2018”
Acabamos de fallar o Certame de Narración e Debuxo Infantil “Letras Galegas 2018“. Estes traballos remitirémolos á Biblioteca Nodal de Lugo onde competirán na fase provincial do “Certame”.
DEBUXO:
Categoría A, ata 8 anos:
Raúl Pérez Amarelo
Icía Ledo Maceira
Victoria García Lama
Categoría B, de 9 a 11 anos:
Sara Lorenzo Blanco
Sarai Paz Prieto
NARRACIÓN
Categoría B, de 9 a 11 anos:
Sarai Paz Prieto
Uxía Pena Basanta
CERTAME DE NARRACIÓN E DEBUXO INFANTIL “LETRAS GALEGAS 2018”
CERTAME DE NARRACIÓN E DEBUXO INFANTIL “LETRAS GALEGAS 2018”
TEATRO E OBRADOIRO DE COCIÑA
Xoves, 26 de abril ás 6 da tarde