O pasado venres 28 de marzo de 2025, na Notaría de Vilalba formalizouse a compravenda da antiga Cámara Agraria de Xermade por parte do Concello de Xermade. En representación da Xunta de Galicia asistiu  o subdirector xeral do Patrimonio da Xunta de Galicia, Don Pablo Viaño Lorenzo. En representación do Concello asinou o alcalde, Roberto García Pernas.

O inmoble está situado na Avenida de Vilalba nº 6, fronte á Casa Consistorial. Foi valorado pola Xunta de Galicia en 49.092,16 euros, prezo no que se formalizou a compravenda.

Con esta adquisición o Concello incrementa o seu patrimonio co fin de regularizar a situación patrimonial deste inmoble, que se atopaba cedido en precario dende o ano 2012 ao chegar ao seu fin a cesión de uso concedida pola Comunidade Autónoma.